गंध ओल्या मातीचा

गंध ओल्या मातीचा

गंध ओल्या मातीचा
भिनतोय नसानसांत
तुझ्या स्पर्शजाणिवा नकळत 
आता आठवे क्षणाक्षणात

गंध ओल्या मातीचा
मी श्वास भरून घेतो
मायभूची आठवण आणि
हृदयी डोह भरून वाहतो

गंध ओल्या मातीचा
मज पुनपुन्हा उभारतो
नशीबाचे आणिक घाव 
झेलण्या बळ देतो

गंध ओल्या मातीचा
त्या गावा तू जाशील का?
हरवले ते सवंगडी कुठे
तू त्यांना बिलगून येशील का?

मी माझा एकटा उद्विग्न
सगळे कसे छिन्नविछिन्न
अगा जीव थांबला घेता
गंध ओल्या मातीचा

कल्याणी (शुभदा) 
२२/०६/२०१७

Comments

Post a Comment

Popular posts from this blog

आपल्यातल्या चारचौघी आणि अनुत्तरीत प्रश्न.....

  आपल्यातल्या चारचौघी आणि अनुत्तरीत प्रश्न .....                                                       ----------- शुभदा जगताप   १९९१ साली मराठी रंगभूमीवर आलेलं " बंडखोर नाटक " चारचौघी पुन्हा एकदा नव्या कलाकारांसह अवतरलं आहे आणि ते पाहण्याचा योग काल आला . सातारा   शहरातील पहिल्याच प्रयोगाला अभूतपूर्व असा प्रतिसाद मिळाला . संपूर्ण नाट्यगृह हाऊसफुल होतं आणि तीनही अंकात कमालीची शांतता होती प्रेक्षकांत . आजच्या झटपट च्या जमान्यात ३ अंकी नाटक रसिकांनी मन लावून पाहावं , त्यास दाद द्यावी , आणि तेही ३१ वर्षांपूर्वीच्या नाटकाला , काय कमाल आहे नाही ! लेखक प्रशांत दळवींच्या लेखणीची ताकद , दिग्दर्शक चंद्रकांत कुलकर्णीची दमदार हाताळणी , कलाकारांची हुकुमी टीम आणि सगळंच काही , अशी मस्त भट्टी फार क्वचित जमून येते .... ९१ साली अवघी १० वर्षांची असताना आई - वडील या नाटकाविषयी चर्चा करतानाचे अंधुकसे आठवते . नंतर वय आणि समजण्याइतकं शहाणपण वाढल्यावरही ह्या नाटकाचा उल्लेख जेव्हा जेव्हा कानी प
Read more
जगणे म्हणजे काय हो? जगणे म्हणजे काय हो? तुम्हा आम्हा कळले का? प्रत्येकाची व्याख्या निराळी  समजून तरी उमगेल का?  एक म्हणे जीवन माझे  केले अर्पण दुसऱ्यांसाठी  समाधान असे त्यातच  काही ना ठेवले गाठी  एक म्हणतो जीवन जगणे  केवळ कलेच्या प्रेमापोटी  नाहीतर या दुष्ट जगती  आहे कोण माझे सोबती? एकाची तर तऱ्हा निराळी  म्हणतो मिथ्याच पसारा हा  जीवन देणारा तो बाप आपला  भेटेल का कधी या पामरा?? एकीने तर जीवन तिचे  केले समर्पित निरागसतेला  आईपण घेतले असे की  जीवनरस मिळाले हजारोंना  या सगळ्या आकृत्या  असे माझ्या आस पास  जगणे त्यांचे पाहूनी  गुपित कळतसे खास  जगणे म्हणजे काय हो? माझे माझ्यापुरते नसावे  विश्वात माझ्या अवघे सामावून परि क्षणात मी विलीन व्हावे  जगणे माझे जगणे आपले  सुंदर व्हावे सुगंधी व्हावे  प्रेम द्यावे प्रेम घ्यावे  अवघे जगणे सार्थकी लागावे  ---- कल्याणी (शुभदा जगताप) २९/७/२०२३, सातारा. 
Read more

थोडक्यात ..... थोडस काहीतरी .... ८. असामान्यातली सामान्य

  थोडक्यात ..... थोडस काहीतरी ....   ८. असामान्यातली सामान्य                                     ---  शुभदा जगताप   नुकताच ऍमेझॉन प्राइम वर शकुंतला देवी हा चित्रपट पाहिला. नेहमीप्रमाणेच विद्या बालन ने अभिनय कशास म्हणावं हे दाखवून दिलय. कथा भन्नाट आणि तेवढीच अचंबित करणारी. एकीच्या जीवनावर आधारित आणि हिरो म्हणाल तर आपली एक भारतीय स्त्री ब्रिटिश काळात जन्मलेली   ( एकुणातच) त्यावेळच्या मानाने क्रान्तिकारी विचारांची. माझ्याप्रमाणेच कित्येक भारतीय नव्या - जुन्या पिढितल्याना जगप्रसिद्ध व्यक्तिमत्व कळण्यास याने हातभार लाभेल यात शंका नाही! हया कोण देवी आहेत की ज्यांच्यावर एक चित्रपट निघावा ,  निदान या उत्सुकसतेपोटी जरी गूगल सर्च केलेत तर निव्वळ तोंडात बोट घालण्यासारखे काहीतरी नवीन कळेल आणि त्याही पुढे जाऊन   चित्रपट पाहिलात तर दोन तास नक्कीच वाया जाणार नाहीत ,  याची हमखास खात्री!   जगभरात " ह्यूमन कॉम्पुटर" या नावाने प्रसिद्ध असणाऱ्या शकुंतला देवी यांचा जन्म एका कन्नड ब्राह्मण कुटुंबात १९२९ साली कर्नाटक येथे झाला. आपल्या मुलीमध्ये अंकांना समजून घेऊन कितीही कठीण गणिते सोडवि
Read more