Sandheeprakashat

गंध ओल्या मातीचा गंध ओल्या मातीचा भिनतोय नसानसांत तुझ्या स्पर्शजाणिवा नकळत  आता आठवे क्षणाक्षणात गंध ओल्या मातीचा मी श्वास भरून घेतो मायभूची आठवण आणि हृदयी डोह भरून वाहतो गंध ओल्या मातीचा मज पुनपुन्हा उभारतो नशीबाचे आणिक घाव  झेलण्या बळ देतो गंध ओल्या मातीचा त्या गावा तू जाशील का? हरवले ते सवंगडी कुठे तू त्यांना बिलगून येशील का? मी माझा एकटा उद्विग्न सगळे कसे छिन्नविछिन्न अगा जीव थांबला घेता गंध ओल्या मातीचा कल्याणी (शुभदा)  २२/०६/२०१७

 मी कोण? तुझा शेवटही मीच आणि आरंभही मीच  तुझ्या  जीवनास मिळाली  ती अवीट गोडीही  मीच  माझ्याच गर्भात असे  तुझ्या जीवनाचे बीज  घेशील श्वास शेवटचा निवांत  ती मायेची पृथाही असे मीच  माय नसता घरी दारी  बहिणीची होते ती आईही मीच  सखी सोबती मैत्रीण वा प्रेयसी  हृदयीची हाक ऐकते तीही मीच  तुज संगे  बांधिते जीवनगाठी  तुझ्याच विश्वात रमते ती मीच  सोडून सर्व भावविश्व आधीचे  नव्याने  संसार फुलवी तीही मीच  तिला वसाच दिला तो विधात्याने  प्रेम माया निर्माण नि समर्पण  अपमान छळ न व्हावा 'ति'चा  हीच एक आंतरिक तळमळ! - कल्याणी  ७ फेब्रु २०१७